Söluskilmálar

Reitun ehf., kt. 600410-0590, Suðurlandsbraut 6, 108 Reykjavík. VSK-númer 104839. Reitun ehf. er skráð í fyrirtækjaskrá Skattsins. Netfang reitun@reitun.is, sími 533 4600.

Reitun selur áskrift að óháðum greiningum á skráðum íslenskum félögum: verðmötum, afkomuspám og greiningarskýrslum. Efnið er aðgengilegt í vefforriti Reitunar. Einnig selur Reitun stök verðmöt á einstökum félögum.

Áskrift er persónuleg og veitir einum notanda aðgang. Óheimilt er að deila aðgangi eða endurdreifa efni. Um notkun í atvinnuskyni, til dæmis fyrir fleiri notendur innan fyrirtækis, skal samið sérstaklega.

Við veruleg brot á þessum skilmálum getur Reitun takmarkað eða lokað aðgangi. Kaupanda er þá tilkynnt um ástæðuna og, þegar við á, gefinn hæfilegur frestur til úrbóta.

Ákvæði um lögbundin réttindi neytenda eiga við þegar kaupandi er einstaklingur sem kaupir utan atvinnustarfsemi sinnar.

Öll verð eru í íslenskum krónum og innihalda 24% virðisaukaskatt. Grunnaðild kostar 11.990 kr. á mánuði eða 119.880 kr. á ári. Greiningaraðild kostar 29.990 kr. á mánuði eða 299.880 kr. á ári. Verð stakra verðmata kemur fram við kaup.

Greitt er með greiðslukorti í gegnum örugga greiðslugátt. Áskrift er greidd fyrirfram fyrir hvert greiðslutímabil, mánuð eða ár. Hún endurnýjast sjálfkrafa í lok hvers tímabils og gjald fyrir næsta tímabil er þá skuldfært á greiðslukort kaupanda. Uppsögn sem berst áður en nýtt greiðslutímabil hefst kemur í veg fyrir þá endurnýjun. Kortaupplýsingar eru ekki vistaðar hjá Reitun.

Aðgangur að áskrift opnast þegar greiðsla hefur verið staðfest. Stök verðmöt eru afhent rafrænt, með tölvupósti eða í vefforriti Reitunar, innan þess frests sem fram kemur við kaup. Engar efnislegar vörur eru sendar.

Áskrifandi getur sagt áskrift upp hvenær sem er með tölvupósti á reitun@reitun.is. Uppsögn tekur gildi í lok yfirstandandi greiðslutímabils og aðgangur helst til þess tíma.

Við venjulega uppsögn er ekki endurgreitt fyrir ónotaðan hluta yfirstandandi greiðslutímabils. Þetta skerðir ekki lögbundinn rétt neytanda til að falla frá samningi eða úrræði vegna galla, tafa eða annarra vanefnda, þar á meðal rétt til endurgreiðslu þegar skilyrði hennar eru uppfyllt.

Neytandi hefur samkvæmt lögum nr. 16/2016 um neytendasamninga 14 daga frest til að falla frá samningi frá gerð hans. Við kaup á stafrænu efni sem ekki er afhent á áþreifanlegum miðli fellur sá réttur niður þegar afhending hefst, að uppfylltum lögbundnum skilyrðum: neytandi hefur fyrir fram sérstaklega samþykkt að afhending hefjist áður en fresturinn er liðinn, viðurkennt að hann glati þar með réttinum og fengið staðfestingu á samningnum.

Þegar réttur til að falla frá samningi er fyrir hendi tilkynnir neytandi Reitun um ákvörðun sína með ótvíræðri yfirlýsingu, til dæmis með tölvupósti á reitun@reitun.is, innan frestsins. Reitun endurgreiðir þá innan 14 daga frá því tilkynningin berst, með sama greiðslumáta og notaður var við kaupin.

Reitun tilkynnir áskrifendum um verðbreytingar og efnislegar breytingar á skilmálum þessum með tölvupósti með minnst 30 daga fyrirvara. Breytingar taka gildi við fyrstu endurnýjun eftir að fyrirvarinn er liðinn og áskrifandi getur sagt upp áður en þær taka gildi.

Breytingar skerða ekki réttindi vegna þegar greidds tímabils. Verulegar breytingar á eðli eða umfangi þjónustunnar verða ekki bindandi fyrir kaupanda án sérstaks samþykkis hans.

Efni Reitunar er greining og upplýsingar, ekki fjárfestingarráðgjöf og ekki ráðlegging um kaup eða sölu fjármálagerninga. Greiningar byggja á opinberum upplýsingum og forsendum Reitunar á hverjum tíma og geta breyst án fyrirvara.

Kaupandi tekur sjálfur ákvarðanir um fjárfestingar. Reitun ábyrgist ekki tiltekna ávöxtun eða verðþróun fjármálagerninga. Um ábyrgð Reitunar vegna galla eða annarra vanefnda fer samkvæmt gildandi lögum. Skilmálar þessir takmarka ekki ófrávíkjanleg réttindi neytenda.

Í viðskiptum milli atvinnurekenda takmarkast ábyrgð Reitunar við þá fjárhæð sem kaupandi hefur greitt fyrir þjónustuna síðustu 12 mánuði, nema tjón stafi af ásetningi eða stórfelldu gáleysi Reitunar.

Reitun vinnur með nafn og netfang kaupanda og upplýsingar um áskrift í þeim tilgangi að veita þjónustuna, innheimta og eiga samskipti við kaupanda, í samræmi við lög nr. 90/2018 um persónuvernd og vinnslu persónuupplýsinga.

Við vinnsluna notar Reitun þjónustuaðila vegna hýsingar, auðkenningar, samskipta og greiðslna. Upplýsingar eru ekki seldar eða afhentar öðrum nema þar sem lög krefjast. Kaupandi getur óskað eftir upplýsingum um vinnsluna og nýtt réttindi sín með því að hafa samband á reitun@reitun.is.

Um samninginn gilda íslensk lög, án þess að það skerði ófrávíkjanlega neytendavernd sem annars ætti við. Kvörtunum má beina til Reitunar á reitun@reitun.is. Neytandi getur einnig leitað til Kærunefndar vöru- og þjónustukaupa.

Um varnarþing í neytendamálum fer samkvæmt lögum. Í viðskiptum milli atvinnurekenda er varnarþing Héraðsdómur Reykjavíkur.