Sjálfbærnigreiningar & UFS möt
UFS möt
Reitun framkvæmir UFS áhættumöt fyrir innlendan markað þar sem sjálfbærnistaða rekstraraðila er metin út frá áhættu, stjórnun og árangri. Reitun hefur framkvæmt UFS möt á öllum skráðum útgefendum hluta- og skuldabréfa í íslenskri Kauphöll síðan árið 2020 þar sem helstu viðskiptavinir eru fagfjárfestar. UFS mötin nýtast fjárfestum og lánveitendum við stýringu á eignasöfnum sínum en einnig fyrirtækjum sem nýta niðurstöður matsins til að þekkja betur og bæta sjálfbærnistöðu sína.
UFS mat hefur náð mikilli útbreiðslu á alþjóðamarkaði sem aðferð við að meta rekstraraðila út frá upplýsingum um sjálfbærni og samfélagslegri ábyrgð. Matið gefur heildræna yfirsýn á því hvernig rekstraraðili stendur í sjálfbærni og hvar helstu tækifæri liggja til að gera betur. UFS stendur fyrir umhverfislega og félagslega þætti og stjórnarhætti.
Ávinningur
Fjárfestar og lánveitendur vilja sýna ábyrgð í verki og hafa samfélagslega góð áhrif í gegnum eignasafn sitt. Þá hefur verið sýnt fram á fjárhagslegan ávinning rekstraraðila til lengri tíma litið, sé vel staðið að UFS málum í starfsemi. Það bendir einnig til þess að þau félög sem huga vel að þessum þáttum í starfsemi sinni séu betur stödd til að mæta auknum kröfum regluverksins, samfélagsins og breyttum heimsaðstæðum eins og loftlagsbreytingum.
„Vilt þú auka þekkingu og yfirsýn á UFS frammistöðu eignasafnsins þíns með einföldum hætti?“
Reitun vill aðstoða þig við að auka við UFS þekkingu á fjárfestinga- og lánakostum og halda yfirsýn yfir eignasafnið.
Hafa sambandNotkun
Fjárfestar og lánveitendur
Reitun aðstoðar banka, lífeyrissjóði og aðra fagfjárfesta við að leggja mat á sjálfbærni frammistöðu félaga og hefur þjónustan hlotið jákvæð viðbrögð frá viðskiptavinum.
- - Einföld leið til að meta stöðu félaga og árangur út frá sjálfbærni
- - UFS mat veitir stuðning við stýringu og eftirfylgni á UFS áhættum eignasafnsins
- - Bætt innsýn inn í möguleg UFS tækifæri og áhættur
- - Samanburður á sjálfbærniframmistöðu félaga á innlendum markaði
Fyrirtæki og stofnanir
Reitun er treyst fyrir framkvæmd á greiningu og mati þar sem fyrirtæki hafa nýtt niðurstöður til að ná auknum árangri í sjálfbærni.
- - Þekking á mikilvægum UFS áhættum og tækifærum
- - Skýr framsetning á helstu styrkleikum og veikleikum
- - Niðurstöður veita stuðning til að ná auknum árangri
- - Auðveldari samskipti við hagsmunaaðila um sjálfbærnistöðu
Greiningarleiðir
Reitun býður fyrirtækjum upp á tvær mismunandi greiningarleiðir í UFS sjálfbærnimati.
Leið 1 - Ítarleg greining
- - Ítarleg greining á UFS þáttum í starfseminni
- - Lokaskýrsla með einkunn og niðurstöðum á hvern undirflokk
- - Einblöðungur með samantekt á niðurstöðum
- - Niðurstöðufundur
Leið 2 - Almenn greining
- - Almenn greining á UFS þáttum í starfseminni
- - Lokaskýrsla með helstu niðurstöðum
- - Niðurstöðufundur
Aðferðafræði
Reitun byggir aðferðafræði sína á grundvelli þekktra staðla á heimsvísu. Þar á meðal er horft til heimsmarkmiða Sameinuðu þjóðanna, UN Global Compact, Sustainability Accounting Standards Board (SASB) og Global Reporting Initiative (GRI). Horft er til um 30 undirflokka sem skiptast undir umhverfisþætti, félagsþætti og stjórnarhætti. Þessir flokkar eru metnir út frá áhættu, stýringu og árangri. Matið er atvinnugreinamiðað, sem þýðir að gerð er grein fyrir áhættumismun á milli atvinnugreina.
Önnur þjónusta
Fyrirspurnir
Við hjá Reitun fögnum fyrirspurnum og viljum gjarnan heyra frá þér. Sendu okkur skilaboð og þér verður svarað eins fljótt og auðið er.
Hafa samband
